Двойязычны таблиці, котры при дорогах означують назвы міст і сел, ся поступово позмінять. Покы до теперь суть таблиці з назвами сел і міст в языку народностных меншин великостьов меншы і сині, по новім будуть так само великы як таблиці із словацькыма назвами міст і сел. Синя буде лем обруба ограничуюча таблицю. „Поступово ся будуть мінити і буде їх мінити тот, кто старать ся о дорогы,“ конкретизував міністер транспорту Арпад Ерсек на вчерайшій конференції при Шаморині. Таблиці при сельскых дорогах, то значіть, змінять міста і села, при дорогах другой і третьой катеґорії то будуть высшы уземны цілкы а при дорогах першой катеґорії то буде Словацька справа доріг, котра орґанізачні є під міністерством транспорту. Як далі міністер Ерсек конкретизував: „Знам повісти, же то што я мам під контрольов, то є 384 таблиць треба змінити на дорогах першой катеґорії, з того 325 суть мадярськы назвы а звышні суть русиньскы. Также поступово дійде к тому, кедь ся будуть пошкоджены таблиці або помалюваны, так ся уж будуть на основі новой выглашкы давати таблиці нового тіпу.“
(TASR)

Фото: TASR/P. Neubauer