Вырочя 25. Фебруара 1948 є нагодов, абы ся бывалы функціонары і членове Комуністичной партії Словакії выправдали політичным вязням, їх вдовам і дітям с наломеныма осудами, еміґрантам і звышньой часті сполочности. З нагоды 70. вырочя комуністичного перевороту то сконштатовали політичны вязні обєднаны в союзі Політичны вязні – Союз протикомуністичного одбоя, ІІІ. Одбой. За спаханы крівды бы ся на основі ветеранів третього одбоя мали выправдати і бывалы комуністы трансформованы до іншых політичных партій. Вызвали тыж, абы были потрестаны злочіны комунізму згодно, як ся трестали злочіны націзму. Апельовали і на леґіслатівне, соціалне і сполоченске зрівноправніня другого – протифашістичного і третього – протикомуністичного одбоя і закінченя діскрімінації пронаслідуваных комунізмом. Союз тыж вызвав на зряджіня музеа злочинів комунізму і на збівшены увагу у выховно-освітнім процесі в школах о темні епохі комуністичной діктатуры.
(TASR)