На братіславскім Намістю СНП ся зыйшли люди на дяльшім мітінґу За слушну Словакію. Основнов вызвов участників, котрых чісло на основі орґанізаторів было выше 30.000, было одступліня презідента Поліцайного корпусу Тібора Ґашпара і шпеціалного прокуратора Душана Ковачіка. Дану претензію пару разів повторили орґанізаторы мітінґу, выголосили, же є то перша і неодкладна зміна к обновліню довіря людей в штат і його орґанів. Ґашпарові і Ковачікові вычітають, же під їх веджіньом поліція і шпеціална прокуратура довгочасово іґнорувала наприклад корупчны кавзы.
(TASR)