Поплаткы на поготовостях бы ся мали звышыти, в шпиталях на 10 евр. Лікарьом бы тыж мало грозити за недоволене выбераня нагороджінь покута у вышкі 16 596 евр. Зміны бы мали прийти ай при превентівных лікарськых оглядках. По новім бы ся мали розшырити у общіх і зубных лікарях. Новинкы принашать новела закона о здравотній старостливості, котру голосми коалічных посланців підпорив Уставоправный выбор Народной рады Словакії. Послідне слово буде мати октоброве пленум. Звышіня поплатків на поготовостях мать одрадити пацєнтів, котры бы знеужывали сістем. Пацєнты с кашльом чі надхов бы мали по новім заплатити на урґенті в шпиталях десять евр протів дотеперішнім двом еврам. Поплаток за навщіву амбулантной поготовості ся мать звышыти з 1,99 на дві евра. Важны припады, наопак, небудуть платити ніч.
(Петро Кімак-фейко)