x

В Софії ся одбыла стріча меджі словацькым і чінскым премєром

00

Словакія мать інтерес достати свої якістны потравины што найскоріше на чінскы торгы. Увів то премєр Петер Пелегріні по робочій стрічі з чінскым председом влады Лі Кхе-чхянґом в булгарскій Софії, де брав участь на саміті країн середньой і выходной Европы і Чайны. На стрічі пожадав словацькый премьєр о што найскоріше закінченя цертіфікації землехосподарьскых продуктів, котры походять зо Словакії. „Словакія мать інтерес свої
высокоякістны потравины, головно молочны выробкы што найскоріше достати на чінскы торгы. Тен процес тырвать уж пару років. Пан премєр мене убезпечував, же їх цертіфікачна авторіта робить вшыткы потрібны крочаї і высловив пересвідченя, же Словакія бы в наслідуючім періоді могла закінчити свою цертіфікацію і достати так можность продавати свої продукты в даній часті світа.“
(TASR)