x

Данковa выповідь коалічного договору – шок про партнерів

00

425743_1200xПредседа парламенту Aндрей Данко дав выповідь коалічному договору.  У выголошіню председы НР СР суть опублікованы пожадавкы на зміну і пріоріты правил далшого ходу влады. О споминанім кроку никого з коалічных партнерів не інформовав. Премєр Фіцо з той нагоды скликав на днесь коалічну раду з тым, же председа СНС высвітлить партнерам їх абсурдный крок, котрый не вносить до сполочности покій і стабіліту. Председа Мосту-Гід Бела Буґар по засіданю председництва повів, же мать од партії мандат продовжовати в сучасній коаліції. Не знать, з чім на коалічну раду приде Данко, але на доповніня коалічного договору мать подля нього право. Узше веджіня Смеру ся подля аґентуры СІТА згодло на тім, же Смер не буде уступовати Данковым пожадавкам. Веджіня засідало в нoчных годинах, хыбив на нім лем міністер културы Марек Мадяріч, котрый є на доволенці. Кідьже засіданя днешньой коалічной рады в часі спрацованя нашого справодайства іщі все проходить, його вердікт затля не знамый.
(Анна Кузмякова)