Председа Народной рады Словацькой републікы і єдночасно председа SNS Андрей Данко верне до парламенту оріґіналы умелецькых творів, котры зображують Людовіта Штура. SNS о тім выдала пресову справу. Як ся в справі пише, Данко хоче, жебы депутаты, загранічны делеґації, но і тісячі навщівників парламенту мали на очах беспрестайного бойовника за повышіня словацького народа. Люди бы мали подля заміру Данка видіти новы умелецькы творы, котры припоминають Штура і його одказ, як і одказ цілой ґенерації Штуровців, вже 1-го септембра, коли буде в парламенті день одкрытых дверей.
(Петро Медвідь)