Председа словацького парламенту Андрей Данко ся днесь доїднав із премєром Робертом Фіцом на піднятю платів учітелів од септембра. Влада бы зато мала подля інформацій аґентуры SITA пропозіцію міністерства школства додаточно дати до свого проґраму. Міністерство школства пропонує піднятя платів о шість процент. Подля Данка є шторічне підниманя платів учітелів першым кроком ку реформі школства. Резорт хоче просадити піднятя платів про педаґоґічных робітників і фаховых робітників школ од септембра так, жебы ся то дотуляло і робітників матерьскых школ, основных умелецькых школ і центрів вольного часу ці школьскых клубів дітей.
(Петро Медвідь)