Богатый 96-пунктовый проґрам чекать на посланців Народной рады СР в рамках 32. засіданя парламенту, котре буде посліднім реґулярным їднаням перед літньов перервов. Засіданя ся зачінать у вівторок а абы нетырвало значно довго, посланці собі на ґремію одобрили, же їднати будуть і в понедількы, котры мають традично вольны. На проґрамі засіданя є 62 пропозицій законів в першім чітаню, з котрых є сім владных а 55 посланецькых. В другім чітаню є 22 правных норем.
(TASR)