x

До Братіславы прийшов першый чінскый влак

00

До накладного прыставу в Братіславі прийшов першый скушобный накладный влак з Чіны. Вчера го в словацькім головнім місті офіціальні привітав міністер транспорту Арпад Ерсек, штатна тайомничка міністерства фінанцій і одночасно уповномочена влады про ініціятіву “Гобвабной дорогы“ Дана Меґер і посол Чінской людовой републикы на Словакії Лін Лін. Транспорт по желізниці з Чіны і через Словакію ся обновив по выше річній перерві. “Є то вызнамна подія про Словакію , протоже по року приходить чінскый влак до Братіславы. Думам сі, же неостанеме лем при скушобній превадзкі але підеме в тім замірї і далей,“ повів Ерсек. Дорога влаком з чінского Даліяну через Россію і Україну аж на Словакію тырвала цілково 17 днів. В десятках контайнерів везе влак товар, котрый буде тепер іти в напрямі по желізниці, або камійоновым транспортом далей к заказникам по цілій середній Европі.
(Петро Кімак-Фейко)

Прочітайте собі / Pročitajte sobi