Вступ Словакії до шенґенского простору транспортерім вызнамным способом злекшав жывот. На основі презідента Здружіня дорожных транспортерів Чесмад Словакія Павла Янчовіча то значіть, же множество камінів уж нестояли на границях, товар ся достав скоріше к заказникові і небыло уж потрібне выбавовати велё формаліт. “Єднозначні треба повісти, быв то великый крок до переду,“ підкреслив Янчовіч про Пресову аґентуру Словацькой републикы. Словакія сі притім занедовго припомяне 10 выроча вступу до Шенґену. Янчовіч сі так незнать представити, кебы ся знова завели контролі на границях. “То бы значіло тоталну дештрукцію сістему, котрый днес фунґує. Протоже бы дошло до позаставліня погыбу товару, тот бы стояв на границях. Дійшло бы збівшеню засоб або збівшеню товаровых засоб, неміг бы фунґовати точный режім засобованя знамый під назвом just in time. Просто, сі думам, же днес уж не сме приправлены на дану сітуацію і значіло бы то цілковый розклад господарства.“ увів Янчовіч.
(TASR)