x

Зміны поплатків в здравотництві

00

OLYMPUS DIGITAL CAMERAПоплаткы в здравотництві ідуть горі і дотулять ся каждого. Хворы на кашель або з рымов заплатять на урґенті по новому 10 € напроти дотеперішнім нецілым двом еврам. Наопак, важны припады не будуть платити нич. Зміны чекають і поготовостны амбуланції, котры підуть подля нового режіму. За їх навщіву ся буде платити 2 евра, теперь є о цент менше. Новелу закона о здравотній старостливости з ділні міністра здравотництва Toмаша Друкера схвалила вчера влада. Кедь по вышетріню на поготовости наслідує приятя до шпыталя, хворы 2 € не платить. Miністерство становлює певный округ, в рамках котрого бы мала быти амбулантна поготовость про дорослых у каждім окреснім місті. Заряджіня, котры днесь познаме як лікарьскы службы першой помочі змінять назву на амбулантны поготовостны службы.
(Анна Кузмякова)