x

З выставбов обхвату Братіславы ся зачне на ярь

00

Выставба проєкту братіславского обхвату, котрый мать быти частьов далниці Д4 і ріхлостной дорогы Р7, бы ся мала розбігнути “на повный плін“ на ярь будучого рока. Терміны його докінченя ся покы непосувають. По вчерайшім рокованю влады то повів штатный тайомник міністерства транспорту Віктор Стромчек, котрый далі повів, “Было нам повіджено, же на ярь ся зачінать, як ся то по народнім говорить, на повный плін. Мають вшыткы ставебны поволіня, мають вшыткы приступовы землі, небранить їм ніч в тім, абы могли зачати наповно робити. То значіть віриме, же на ярь будучого рока будеме конштатувати, як ся то в скуточности реалні дарить будовати тото діло концесіонарові.“ Проєкт будує здружіня фірем на чолі із іспансков сполочностьов Цінтра. Дорога ся будує як проєкт общо-приватного партнерства. Концесіонар ю то значить выбудує і буде є 30 років превадзкувати, за што му буде штат платити сплаткы а то в перебігу 30 років. Рочна сплатка штату бы мала быти в сумі 52,8 міліонів евр, што мать по 30 роках Словакію выйти на 1,76 міліярды евр.
(TASR)