x

Кавза Čistý deň продовжує

00

В кавзі ресоціалізачного заряджіня Čistý deň пришло ку далшому обвиніню зо сексуалного знеужываня недорослой особы. Поліція зачала карне розсліджованя 25-річного Якуба з Братіславы, котрый мав мати сексуалне односины з втогды іщі лем 14-річнов Наталійов. Підозрілого, котрый робив в центрі кухаря, поліція в минулім році перевірьовала, но втогды была тота справа позаставлена. По зновуодкрытю припаду підозрілого обвинили. Поліція детайлы не публікує і обвиненый ся про медії не хотів выразити. Про сексуалне знеужываня має быти обвиненый і бывшый заступник директора. Міністерство роботы, соціалных справ і родины взяло центру акредітацію по рекомендації Акредітачной комісії в авґусті того року. Коло першой рекомендації так міністер Ян Ріхтер не зробив. Подля нього втогды не были реалны причіны на одобратя акредітації. В септембрі хотіла опозіція міністра одкликати як раз зато, же кавзу ресоціалізачного центру не звладнув. Высловліня недовіры міністрови в парламенті не перешло.
(Петро Медвідь)