x

Коаліція продовжує з додатком

00

Владна коаліція по тім, што SNS не голосовала за одкликаня міністра Яна Ріхтера, продовжує далше. Трьоми лідры коалічных партій – Роберт Фіцо, Андрей Данко і Бела Буґар на днесь наплановали підписаня додатку ку коалічному договору. Підписаня додатку є наплановане на днешнє пополідне у владнім готелі Буорік в Братіславі. Представителі коаліції не прозрадили, што точно буде мінити ся, повіли лем, же бы ся то мало дотуляти фунґованя коаліції. Інформовав о тім Уярд влады Словацькой републікы. У віторок бы Андрей Данко мав представити нового міністра школства, котрый прийде на місце Петра Плавчана, якый у функції скінчів ку кінцю авґуста на натиск премєра Фіца. Подля доступных інформацій бы то не мав быти член Данковой партії.
(Петро Медвідь)