Продукты із голандьскых яєць, котры обсяговали нелеґалный пестіцід фіпроніл, нашли в штирох луксусных братїславскых готелах. Ішло о 675 кілоґрамів пастерізованой змесі із яєць в порошковій формі. Наміряны годноты пестіціду были у ваєчній змесі перекрочены пять раз веце як є поволеный ліміт. Подля слов директора Штатной ветерінарной і потравіновой справы Йозефа Біреша ся роблять інтензівны контролї і предпокладать ся же подобны выробкы ся іщі найдуть і в далшых реґіонах Словеньска.
(Зденка Цітрякова)