Завтра на навщіву Словакії прийде презідент Чехії Мілош Земан. В перебігу ньой ся у Высокых Татрах стрітне із словацькым презідентом Андрейом Кіском і з премьєром Петром Пеллеґрінім. „На основі традиції надштандартных словацько-чеськых односин піде о його першу офіціалну заграничну навщіву по зновузволіню до функції презідента,“ повів о Земановій навщіві Мартін Ліптак з пресового одділіня Канцеларії презідента СР. Як далі увів: „Предметом дебат буде передовшыткым дальшый розвой білатералной сполупраці меджі обома країнами, котрый ся в тім року несе в духу вызнамных сполоченскых роковин.“ Зо Словакії Земан оддыйде в пятніцю.
(TASR)