x

Народности неспокійны з выплачаньом дотацій

00

Вчера проходило у Братіславі 26-те засіданя Выбору про народностны меншыны і етнічны ґрупы. За русиньску народностну меншыну брав на засіданю участь Петро Медвідь. Подля його слов, головныма пунктами проґраму была інформація о освітнім процесі в школах з навчалным языком народностных меншын і навчаньом языка народности, інформація о дотаціях проґраму Култура народностных меншын 2017 і обговоріня роботы нового Фонду на підпору културы народностных меншын, котру презентовав його директор Норберт Молнар. Членове выбору высловили неспокійность з тогорічным выплачаньом дотацій і апеловали на компетентны орґаны, жебы ускорили тот процес, бо многы орґанізації і преса дотеперь не дістали од уряду жадны фінанції.
(Петро Кімак-Фейко)