x

На міністерстві здравотництва ся зачало з оддовжованям шпиталів

00

Верителі шпиталів бы ся в найближшых дньох могли достати в рамках оддовжуваня к першым грошам. На міністерстві здравотництва біжыть електронічна авкція, в рамках котрой мають можность успокоїти свої вымогы понукнутям злівы. „Чісло фірем, котры беруть участь в електронічній авкції буде можне дефіновати аж по скінченю авкції. Передпоклад є, же фінанції будуть выплачены приближні до єдного тыждня по скінченю авкції,“ повіла про пресову аґентуру ТАСР говоркыня резорту Зузана Еліяшова. Як ся верителі до авкції незапоять, їх вымогы немусять быти оддовжены. Єдночасно ся так може стати, і як в авкції непонукнуть нияку зліву. Но, може настати і така ситуація, же вымогы будуть оддовжены, як їх індех перевагы буде вызнамніше вышшый як у іншых вымог, інформує міністерство.
(TASR)