x

На понедїлёк є наплановане стрїтнутя найвысшых уставных чінітелїв

00

Презідент Андрій Кіска, председа Народной рады Андрій Данко і премєр Роберт Фіцо ся в понедїлёк 23.октобра зыйдути на Братїславскім градї, де будуть бісїдовати о взаємнім поступі в загранічнополітічній области. Стрїтнутя ініціовав председа влады. Недавно го к нёму вызвав презідент. Тисковый одбор Уряду влады інформовав, же цїлём стрїтнутя є добісїдовати взаємный поступ при наповнёваню стратеґічных цілїв, котры ся дотуляють загранічнополітічных інтересів Словацькой републикы. Темами стрїтнутя будуть інтеґрація СР до ядра Европы, охрана шенґеньского простору і проблемы міґрації, співробота Словакії з країнами V4 і одстраніня діскрімінації жытелїв в проблемі двоякой якости потравин.
(Зденка Цітрякова)