Новела закона о сельскім зряджіню, котру одобрила Народна рада СР посилує права старостів а бере права жытелям і сельскым посланцям. „Подсататов самосправы є, же ся самосправа намыгать што найвеце пріближыти жытельям. Новела, яку теперь одобрили посланцї, робить наспак. Посилнює правомоци старостів а бере права жытелям і посланцям.“ Увела то посланкыня партії ОЛьаНО Вероніка Ремішова. Новела „стяжує можность выголосити містне референдум, кідь староста грубо порушує закон“, повіла на пресконференції в парламентї. Новелу принесло до парламенту міністерство внутрїшнїх дїл. Шеф резорту Роберт Каліняк повів, же то была пропозіція Здружіня міст а сел Словакії а він єй лем спосередковав. Новела реаґує і на сітуацію тзв. нефункчных сел. Іде о тоты, в котрых ся ани по повторных вольбах до орґанів самосправы не подарить зволити ни якый орґан села, значіть старосту або сельске заступітельство. По новім єй буде можі влада своїм наряджінём припоїти ід сусіднёму селу, но тота з тым мусить сугласити.
(TASR)