Італьскый новінарь і автор книжного бесцелеру о італьскій мафіі Ґоммора, Роберто Савіано написав на адресу актуалных подїй у нас, же ся Словакія зачала мафіов занимати аж по смерти молодого новінаря Яна Куцяка і ёго партнеркы Мартіны Кушнїровой. Італьскы мафії ся але подля нёго на Словакії скрывають і інвестують ту уже рокы. Од публікованя книжкы в роцї 2006 му выгрожують смертёв а жыє зато під поліцайнов охранов. Подля нёго в Братїславі пособить і клан Сарно. На своїм профілї на соціалній сітї написав: „Ян Куцяк быв убитый, бо быв сам коло вышетрованя роли мафії у своїй країнї. Положме собі вопрос, чом суть новинарї – од Джанкарла Сіаніго по Анну Політковску, од Антонія Русса, по Даґне Каруанову Ґалізіову – все так ранителны, же їх мож поважовати за пожертвователных на жертвеннику подниканя… Невинна кров Яна Куцъяка і Матріны Кушнїровой ся припоює ід довгому і неуносному списку новінарїв, пробуючіх одгалити правды, котры мусїли зістати в тїнї, колиси у звязї з препоїнём міджі злочінецькыма орґанізаціями і політіков.“ Інформація была перевзята зо справодайского порталу Teraz.sk.
(Зденка Цітрякова)