x

Обща здравотна поіщовня заплатить за скенованя пошты 8 міліонів евр

00

Задовжена Обща здравотна поіщовня заплатить за триджіня і скенованя пошты за 4 рокы вісем міліонів евр. Підуть приватній фірмі Dokument Logistic. Змлуву з фірмов здравотна поіщовня підписала кінцём рока 2014. Фірма має давати службы у звязї зо справов централной поштовой адресы. Прімарным цїлём заведжіня електронізації документів было сприступніня інформації, котры до поіщовнї приходять в папіровій подобі, про вшыткых заместнанцїв клієнтьскых ценер і адміністратівы, жебы мали простїшый приступ к інформаціям. Верейну заказку выписала сама поіщовня. Выберове ряджіня мало тогды двох кандідатів. За попереднїй період скенованя данных поіщовня уже заплатила скоро 3,9 міліона евр. Змлува платить аж до кінця 2018 року.
(Зденка Цітрякова)