Кідь SNS одкличе Яна Ріхтера, буде то за словами міністеркы справедливости Луції Жітняньской порушіня коалічного договору. Як повіла про денник SME, тото є єдно із основных правил функціонованя коаліції і є то і записане в коалічнім договорі. Жітняньска про словацькый денник повіла, же в часі, коли кулміновала кавза Čistý deň, SNS міністра роботы не крітіковала ани не жадала його вычеряня. Як Жітняньска інформовала, партія Most-Híd не хоче передчасны выборы і хоче надалше просаджовати свій проґрам, про котрый до той коаліції партія ішла. Міністерка справедливости тырвать на тім, же Моніка Янковска бы ся не мала стати членков Судной рады. На вопрос, ці в такім припаді одыйде із свойой функції, не одповіла. Вірить, же вопрос так не буде повставленый.
(Петро Медвідь)