У выбраных основных школах по цілій Словакії реалізує ся в тыхто днях тестованя погыбовых зручності учнів. Іде о пілотный проєкт Міністерства школства, наукы, дослідження і шпорту Словацькой републикы. Тестованя в цілково десятьох параметрах і чінностях абсолвують в тыхто днях учні першых і третіх класів. В каждм краю было выбрато три школы. Од школского року 2018-2019 буде тестованя повинне про вшыткых учнів першых класів основных школ, котре абсолвують о два рокы згодне тестованя і в третім класі. Цільом даного тестованя учнів першых і третіх класів є рекомандувати дітям і їх родичам типы шпортів, на котры мають діти найліпшы предпоклады і можуть ся ними заоберати і на вышшім выконностнім рівні.
(Петро Кімак-Фейко)