Штатна Вшеобецна здравотна поіщовня зачне од юла тестовати електронічну комунікацію меджі лікарьом і пацєнтом. Од пілотного проєкту очікує спокійнішых пацєнтів і порожнішы чекарні. Приватны поіщовні Двовера і Уніон уж подобны службы реалізують, зволили але інакшы формы. „Выбраных 150 общіх лікарів бы найближшый піврік мали сприступнити своїм пацєнтам службу конзултації через електронічны каналы, “ приближыв пілотный проєкт шеф Вшеобецной здравотной поіщовні Мірослав Кочан. Мать іти о самостатну мобілну або вебову аплікацію, котра дать можность і пошырюваня документів і фотоґрафій.
(TASR)