Конференція председів Европского парламенту (ЕП) ухвалила вчера зложіня окремой контрольной шістьчленной делеґації зложеной з політичных груп в ЕП, котра од днесь до завтра зреалізує в Словакії дослідницьку робочу дорогу повязану із убивством інвестіґатівного новинаря Яна Куцяка і його приятелькы Мартіны Кушніровой. Посланці ся на основі проґраму стрітнуть із заступцями мімовладных орґанізацій занимаючіх ся бойом проти корупції, с новинарями, представителями влады і штату, заступцями орґанів чінных в третнім конаню і представителями Землегосподарськой платобной аґентуры. Завтра навщівлять і село Велика Мача, де дають честь покійному Янові Куцякові і його приятелькі Мартині Кушніровій.
(ТАSR)