Міністерство праці підпорює надаваня опатровательской службы на Словакії. Доказом того суть два народны проєкты на підпору опатровательскых служб. Резорт є сучасно тыж приправеный діскутовати о актуалній ситуації опатровательок. Опатрователькы при понедільняйшій стрічі з презідентом Словацькой републикы Андрейом Кіском повіли окрім іншого, же їх найбівшый проблем суть головно їх заробіткы. Тыж жадають вытворити тройзмінны превадзкы, ці вісемгодинову робочу службу. Многы з них зароблять в словацькых домовох соціалных служб до 400 евр в чістім. Были бы зато, кібы то было хоч 700 евр в чістім. Опатрователькам ся тыж нелюбить, же в дакотрых припадах ся дві жены в заряджіню соціалных служб старають о десяткы людей.
(Петро Кімак-Фейко)