Загранічный выбор Народной рады Словацькой републікы, котрый буде занимати ся поступом Словакії в кавзі отровліня бывшого російского аґента Серґея Скрипаля, буде засідати аж в середу. Причінов єднодньового пересуну є днешній похорон експредседы словацького парламенту Павла Пашкы, на котрім хоче вецеро депутатів брати участь. Про TASR то потвердив підпредседа выбору Ярослав Пашка. Із єднакой причіны за пересувать і засіданя Вывору про европскы справы. Міністер загранічных діл Мірослав Лайчак бы мав прийти на обидва выборы. Наперед буде на загранічным поясньовати поступ Словакії в кавзі Скрипаль, на котру Словакія реаґовала покликаньом словацького амбасадора з Москвы на кунзултації і потім ся на сполочнім засіданю обидвох выборів буде бісідовати о загранічній політіці Словакії, повів про аґентуру шеф евровыбору Любош Блага.
(Медвідь, TASR)