x

Пензійне поіщіня з місячной заплаты до 200 евр ся неплатить

00

Кедь мають штуденты підписано вецей договорів о бриґадницкій роботі, можуть собі выняток на неплачіня пензійного поіщіня в єднім календарнім місяці зволили лем на єдну з них. Їх місячный заробок шак неможе пересягнути становлену границю 200 евр а час одробленый на договор з даным вынятком ся їм потім небуде до пензії рахувувати. Пензійне поіщіня выникне штудентові і до пензії ся му буде час одробленый на бриґаді рахувати лем в тім припаді, кедь вышка заробку пересягне границю 200 евр. Штуден, як і заместнаватель, в тім припаді платить пензійне поіщіня лем зо сумы, котра пересягує тот ліміт.
(Петро Кімак-Фейко)