x

Подля Раваса є ромска реформа од SaS неактуална

00

„Найвекшым проблемом ромской реформы, котру представила партія Sloboda a solidarita є то, же не рефлектує реалность,“ повів про аґентуру SITA владный уповномоченый про ромскы комуніты Абел Равас. Уповномоченый оцінив вецеро пропозіцій, котры в новембрі представила підпредседничка парламенту Луція Дюріш Ніколсовнова, но додав, же многы пропонованы крокы суть вже імплементованы. Прінціп заслуговости, котрый SaS означіла за єдну із пріоріт свойой реформы, не бере за найщастніше рішіня. Актівачны роботы суть подля Раваса добры акурат на всокочіня даякого стану. Про нього є важніше вытворити робочі місця в реґіонах, і то ся діє через акчны планы проґраму підпоры найменше розвинутых окресів. За його словами суть реакції на тоты акчны планы не все позітівны, бо є то помалый проєкт. Но творіня утримательных робочіх місц є подля уповномоченого єдным із можливых способів як ромску сітуацію зліпшыти.
(Петро Медвідь)