x

Реґіоналны розділы як найвешкый проблем

00

Найвекшым проблемом Словакії суть іщі все реґіоналны розділы. В неділю то повів в релації телевізії TA3 V Politike міністер фінанцій Петер Кажімір. Міністер в проґрамі діскутовав із опозічным депутатом за SAS Евґеном Юржыцом, членом Выбору НР СР про фінанції і розрахунок. „На тім ся згоднеме, же найвешкым проблемом нашой країны суть реґіоналны розділы, но тото не є видіти з Братіславы з кавярні або Головного намістя, ани зо шопінґ центра,“ повів в діскузії Кажімір. Подля міністра треба Словакії веце людей, котры мають роботу. Практіка подля Евґена Юржыцу вказує, же реґіоналны розділы міряны наприклад через вытвореный грубый домашній продукт в реґіонах ся не знижують. „Першый закон заміряный на то, жебы ся знижыли розділы меджі реґіонами, прияла Фіцова влада із платностьов ку 1-му януару 2009-го року. Значіть, є то даякый час,“ звернув увагу депутат. Влада, за словами Юржыцу, в мало розвинутых реґіонах давать грошы на проєкты, котры не поможуть наростаню грубого домашнього продукту в реґіоні.
(TASR)