x

Роберт Фіцо, Бела Буґар і Андрей Данко підписали додаток ку коалічному договору

00

Коалічны лідры Роберт Фіцо, Бела Буґар і Андрей Данко вчера в просторах владного готела Борік підписали додаток ку коалічному договору з тым, же часом прийде і к доповніню проґрамового выголосіня влады. “Договорили сме ся на новых правилах. Наприклад на тім , же ся будеме стрічавати каждый понеділок, што нам дасть можность приправитися на засідання Народной рады а тыж на засідання влады в середу,“ інформував Фіцо по підписі додатку. Партнеры ся на основі його слов договорили і на тім, же покы ся подасть буть-якый матеріял на їднаня, мусять го достати партнеры 24 годин перед його поданям. Комунікацію хочуть владны партії посунути іші далей. “Є обовязок, же вытвориме крайскы і окресны коалічны рады. К тому нас тягать обовязок быти успішныма в крайскых вольбах,“ доповнив Фіцо.
(Петро Кімак-Фейко)