250 міліонів евр – така є сума з яков Уряд влады СР в сучасности оперує при аналізах варіант, як підвышити платы заместнанцїв у верейній справі. В пленумі протягом реґуларной четверёвой Годины вопросів то увів міністер внутрїшнїх дїл Роберт Каліняк, якый заступовав премєра Роберта Фіца при одповідях на вопросы посланцїв. Соціалным партнерам бы мала быти пропозіція представлена до кінця марца будучого рока. Управов платів ся занимать вытворена робоча ґрупа, причім было выпрацованых дакїлко алтернатівных пропозіцій платовых таріф. Пріорітов подля Каліняка є выбрати таку алтернатіву, котра бы змірнила роздїлы міджі платами у верейнім секторї і пріватнім секторї.
(Зденка Цітрякова)