Одход поліцайного презідента Тібора Ґашпара є мінімум, влада мусить зачати робити. Выголосив то  презідент СР Андрей Кіска потім, як премьєр Петер Пелеґріні інформував новинарів, же ся з Ґашпаром догодли на його одході з функції к 31. маю. “Привітав єм, же премьєр вырішыв зачати робити порядкы в резорті внутра особні. Авізованый одход поліцайного презідента Ґашпара ку кінцю мая поважую за нутне условія, абы влада Петра Пелеґрініго могла попробувати утишити сітуацію в сполочности“ написав на соціалній сіті презідент.

(Петро Кімак-Фейко)