За щезнутём муніції може быти i коордінованый уток на склады словацькой армады. Розсягла крадеж в двох різных мунічных ареалах бы не была можна без співпрацы з компліцами в армадї. Така є єдна з верзій высвітлїня щезнутя 300-тісяч кусів муніції. Другым высвітлїнём є, же вояци на цвічінях выстріляли веце муніції, як записали до евіденції, а тота теперь в складох хыбує. Значіло бы то, же армада має великый непорядок в папірёх.