x

Ґабрьєла Матечна зістає міністерков

00

Міністерка земельного господарьства і розвитку села Ґабрьєла Матечна зістає надале у функції. Замірь опозіції одкликати єй невышов. За высловлїня недовіря к Матечній у четверь голосовало 60 посланцїв із 130, што не была векшына. Опозіція хотїла Матечну одкликлати зато, бо ї винить з того, же завела нечісты практікы до перероздїлёваня фінанцій в рамках Взаємной польногосподарьской політікы. Посланцї єй вытыкали тоже, же іщі як ґенерална директорка Словацького поземкового фонду завела подводны практікы. А тыж є в причінній справі уведжене тверджіня, же Матечна продовжує в нечістых практіках і як міністерка а застає веце оліґархів як рольників, причім своїм дїянём огрожує будучі здрої про Словакію і реґіоналный розвой. Матечна вшыткы обвиніня одмітла а означіли їх за учеловы. По веце як десятьгодьновій росправі міністерку підтримали вшыткы придомны посланцї SNS i Mosta-Hid.
(TASR, Цітрякова)