Із причіны уникнутя документів, котры говорять о тім, же фірма презідента Андрея Кіскы собі неправилно зараховала вытраты на його волебну кампань, подав поліцайный презідент Тібор Ґашпар карне оголошіня на іншпекцію. Повів то в діскузній релації телевізії TA3. „Може то быти документація і з поліцайного спису, но пріорітно собі думам, же то суть документы із фінанчной справы. Напрік тому єм тото оголошіня подав, жебы сьме інтерно перевірили, што ся діє,“ повів Ґашпар. Поліцайный презідент уникнутя документів одсудив. Вылучів, жебы Народна крімінална аґентура вырабляла такы документы на обїднавку. За уникнутьом за його словами можуть быти люди, котры за то дістали приобіцяня од політіків як наприклад місце на кандідачнім списку ці роботу асістентів.
(Петро Медвідь)