Парламентна делаґація під веджіньом председы Народной рады Андрея Данка одышла в понедільок на тридньову навщіву Ізраіля. Іде о реціпрочну актівіту в повязаню із офіціалнов навщівов председы ізраільского парламенту Юліго-Йоела Еделштайна на Словакії, котра проходила перед роком і была першов навщівов ізраільского конштітучного чінителя на Словакії од септембра 2004-го року. Аґентуру TASR о тім інформовав Одбор комунікації з медіями і верейностьов Народной рады і говорця председы парлемтну Томаш Костелнік. Данків робочій проґрам обсягує окрім їднаня з Еделштайном і приятя ізраільскым премєром Реувеном Рівліном і премєром Беніаміном Нетанъягу. Ізраіль є подля председы словацького парламенту світовым лідром в области ІТ технолоґій, охороны даных і кібернетічной безпечности і Словакію видить як можливый обєкт інтересу про свої інвестіції і кооперацію в тій области. Данко то повів по стрічі з председом ізраїльской влады Беніаміном Нетанъягу, котров у понедільок зачав свою офіціалну навщіву Ізраіля.
(TASR, Медвідь)