Мімопарламентны хрістіаньскы демократы говорять, же выставка людьскых трупів, котра буде од авґуста знова на Словакії є неетічна і подля словацькых законів протизаконна. KDH буде жадати зрушіня выставкы. Хрістіаньско-демократічный рух хоче єдночасно апеловати на владу і депутатів Народной рады Словацькой републікы, жебы прияли заказ хосновати муміфікованы людьскы трупы на комерчны заміры. Крітічны позіції ку выставці, котра приходить з Кітаю і суть важны підозріня, же ся выставлюють бывшы арештанты, котры ку такому дачому ани не дали соглашіня, выразили і словацькы лікарі ці Конференція єпіскопів Словакії. Выставка під назвов The Human Body была на Словакії вже в році 2012. І втогды выкликала крітічны реакції нелем з боку конзерватівных політіків. О пару днів має ся одкрыти выставка, котра має теперь назву Body The Exhibition.
(Петро Медвідь)