x

Most-Híd тот період не буде рішыти закон о штатнім гражданстві

00

Партія Most-Híd в тім волебнім періоді не буде пробовати змінити закон о штатнім гражданстві, котрый бере словацькый паспорт гражданам Словакії, якы приймуть гражданство іншой державы. В минулости притім закон партія атаковала на Конштітучнім суді і стояла за тым, жебы го зрушыти. Вдяка закону дотеперь пришло о словацьке гражданство веце як 2000 людей. Председа партії Бела Буґар го теперь споминать коло крітікы лідра OĽaNO Іґора Матовіча, котрый хоче помочі Партії мадярьской комуніты. „Партія Most-Híd в тім волебнім періоді концентрує ся на тоты задачі і округы, котры з їй волебного проґраму были просаджены до Проґрамового выголошіня влады. Закон о двоякім гражданстві міджі нима не є,“ одповів на вопросы TASR председа Буґар.
(Петро Медвідь)
Фото: TASR