Словацька народна партія не підпорить Істанбульскый договор. Увела то у своїй тисковій справі. Уближованя людём в будьякійподобі є подля нёй не припустне і годне одсуджіня. На другім боцї, подсувати вєдно з тов темов і родову ідеолоґію є абсолутно неприятелне, сконштатовала. Цїлём Істанбульского договору є одстранёвати традіції заложены на стереотіпных ролах хлопів і жен. Подля председу SNS але стереотіп не мусить быти все штось недобре. Припомянув, же і словацькы народны традіції, великодны звычаї ці народны таньцї суть заложены на стереотіпных ролах хлопів і жен а довєдна творять словацьке народне богатство і народну ідентіту.
(Зденка Цітрякова)