По порядку уж 11. річник ґрантового проґраму Сполочні про реґіон, в котрім перерозділять на підпору общостноосожных проєктів 13.500 евр, одкрыли од понеділка У.С. Стіл Кошыці, с.р.о. і Карпатска надація із резіденційов в Кошыцях. Прес-аґентуру Словацькой републикы о тім інформувала манажерка про комунікацію Карпатской надації Барбара Колларова. Фінанчный вклад з даного проґраму можуть просити незисковы орґанізації і містны самосправы з Кошыцького і Пряшівського краю, в котрых роблять робітниці споминаной металурґічной сполочности і єй філіялок. Ґранты підпорять такы проєкты котрых цільом є звышованя безпечности у вшыткых областях жывота, актівіты на вольных час заміряны на дітей і молодеж, як і енвіроменталны проєкты в максімалній вышкі 2500 евр.
(Петро Кімак-Фейко)