Ізба угорскых кралїв, котра ся находить в гуменнскім замку, є на Словакії унікатом. Ід її рештаврованю приступив Вігорлатьскый музей іщі в роцї 2011. Моментално є в процесї обновы 15-ёх настїнных малеб на полотнї в деревяных підрамах. „Іде конкретно о образы угорьскых кралїв, котры ся находять в ательєри академічного маляря і рештавратора Любоміра Цапа. Грошы на рештаврованя сьме здобыли з надації а мали бы ся рештавровати до новембра року 2018.“ Увела то історічка Вігорлатьского музею Зузана Кощова. Інтередным на тій містности опроти іншым в замку є то, же окремы мальбы не суть на стїнї, але на полотнї, котре є натягнуте на деревянім рамі. Сучасны засягы представлюють упевніня подкладу образів і одстраніня нечістот, пороху, перемальба і секундарны засягы. І наперек тому, же мальбы суть на полотнї, суть реалізованы техніков секко, то значіти на суху ваковку. „На Словакії не находитме аналоґію ід такым комплексным містностям з выображінём угорьскых пановників,“ підкреслила Кощова. Настїнну ґалерію творять портреты од Штефана І. по Марію Терезію. Находить ся їх ту коло 50.
(TASR)