x

В Кежмарку отворили новый завод

00

Вчера сполочность Генґстлер, с.р.о., офіціалні одкрыла новый завод в промысловім парку в Кежмарку, до котрого перестягувала свою выробу. Іде о інвестицію за выше 7 міліонів евр, котру фінанцовала лем з властных джерел. Сполочность, котра діє в подтатранскім реґіоні уж 22 років і мать 380 робітників, в перебігу того рока перестяговала до свого заводу і часть выробы з Німецька і вытворила тым 72 новых робочіх місць. В будучім року, на основі новых заказок хочуть дати роботу дальшым новым робітникам. Їх чісло ся одгадує од 20 до 120 людей. К основным продуктом сполочности належать механічны і електромеханічны почітадла, друкарні до банкоматів і заряджінь, котры друкують листкы на паркованя, і тыж безпечностне реле. Територія ареалу нового заводу є 17.000 квадратных метрів, з того выробны просторы занимають територію 10.500 квадратных метрів.
(Петро Кімак-Фейко)