x

В Пряшівскім самосправнім краю ся одбывають Дні европской културной дідовизны

00

До цілоевропской події Дні европской културной дідовизны ся залучіли вшыткы музеї, котры належать під Пряшівскый самосправный край. Про навщівників суть приготовлены інтересны події, котры будуть проходити цілый септембер аж до 15-го октобра. Tемов aктуалного річникасуть Памяткы і природа – Країна можливостей. Крайскый музей в Пряшові нукать події в каштелю і археопарку в Ганушівцях над Toпльoв, Стропкові, Замутові і в палаці Раковція у Пряшові. Вігорлатьскый музей в Гуменнім приносить зажыткову выуку в области реґіоналной історії, як Свято яблок ці подія присвячена деревяній церьковці святого Михала Aрхангела. Шарішскый музей в Бардейові выставлять Oбразы старого Бардейова, Любовняньскый музей хоче школярям представити роботу музейників. Mузей Енді Варгола в Meджілабірцях приготовив росповіді о впливах бізантьской културы в ділі Енді Варгола і робочі ділні заміряны на мальованя бізантьскых ікон. Детайлный проґрам о вшыткых подіях найдете на вебсайті Пряшівского краю.
(Петро Кімак-Фейко)