Православны віруючі в Снині мають од неділі новый деревяный храм. По річнім будованю го за участи множества віруючіых і духовных посвятив православный архієпіскоп пряшівскый і метрополіта чеськых країн і Словакії владыка Ростислав. Новый храм є присвяченый великоморавскому князови, святому Ростиславови. „Є то цілодеревяна ставба. Хоснованы были традічны матеріалы і традічны технолоґії будованя. Вірю, же храм буде служыти ґенераціям православных так, як служать подобны 300-400 років стары деревяны храмы в навколишніх селах,“ повів про денник Korzár православных парох в Снині отець Іґор Кереканіч.
(Петро Медвідь)