x

В штирьох селах проходили доповнюючі выборы

00

В штирьох селах Пряшівского самосправного краю в суботу проходили доповнюючі выботы на старостів і депутатів. В селі Вісланка в окресі Стара Любовня собі зволили нового старосту Йозефа Струка по попереніх двох неуспішных пробах. Тот наступить до функції по Душанови Фірментови, котрый вмер. Старосту і депутатів волили і в Ґералтові, в окресі Пряшів. Там новым старостом буде незалежный кандідат Владимір Тейщак, котрый і функції вычерять Данку Добраньску, яка абдіковала кінцьом януара. Старостів собі выберали і у Вышнім Славкові, в окресі Попрад і в Быстрім, стропківского окресу. Проблем зістав в селі Ондавка, в окресі Бардейов, де ся про неінтерес кандідатів выборы знова не одбыли. Село, котре є задовжене, не мать старосту од року 2014.
(Петро Медвідь)