x

Головним цільом акчного плану є в Медчілабірцях понижыти безробітя

00

Влада і Міністерство фінанцій СР суть приправены управити перерозділюючій коефіцієнт так, абы з того профітовали і меншы села. Залежыть то шак од договору Союзу міст і сел Словенска. На вчерашім выяздовім рокованю влады в Меджілабірцях то про новинарїв повів премєр Петер Пелегріні. Окрім іншого, по засідані влады было становлено, же до року 2022 бы ся в рамках акчного плану окресу Меджілабірці, котрого головным цільом є понижыти міру безробітності, мало взникнути 377 робочіх місць, а то спрямуваням активіт до області економікы, освіты і служб. Влада на засідані одобрила і регіоналну помоч у вышкі 1.585.000 евр, з котрой в актуалнім року бы могли черьпати суму 317.000 евр. Його черьпаня в дальшых роках буде становлене на основі одобреных пріоріт.
(TASR)