В суботу проходив у Меджілабірцях вже осмый річник воєньско-історічной події під назвов Карпаты 1914/1915. Клубы воєнськой історії приближыли людям дії І. світовой войны. Як інформовала словацька державна пресова аґентура TASR, в проґрамі представило ся приблизно 300 выступаучіх. В рамках події до Меджілаборець пришли вказати ся клубы воєньской історії нелем зо Словакії, а і з іншых держав як Чеська републіку, Мадярьско, Польща, Україна, Австрія, Російска федерація. Сценарь быв зробленый на основі історічных жрідел. Намагов было в годиновій реконштрукції вказати дії, котры проходили омного довше, повів про аґентуру Мартін Дробняк, председа Клубу воєньской історії Бескиды, котрый быв головным орґанізаротом. Участны могли в боях видіти нелем вояків, а і добову техніку. Любителі воєньской історії в Меджілабірцях вказали польный канон німецькой армії, добовы біціґлі ці летадло, котре підтримовало атаку російской піхоты. Як інформовав Радослав Турік, підпредседа клубу, тот річник події быв кількостьов участных і богатостьов проґраму найвекшый. Подія Карпаты 1914/1915 была частьов проєкту під назвов Польско-словацьке подорожіня в часі, якый быв фінанцованый із Проґраму черезгранічной співпраці Іnterreg V-A Польща – Словакія 2014 – 2020. Співорґанізатором суботняйшой події было місто Меджілабірці.
(TASR)